PSEPHISMA, Gr. ψήφισμα, Consultum, decretum, scitum, in Gloss. Gr. Lat. C. his igitur Novel. 137 : Sancimus ut quoties usu venerit episcopum ordinari, conveniant clerici et primores civitatis, cui ordinandus est episcopus, et propositis sanctis Evangeliis, super tribus personis Psephismata fieri, et quemque ipsorum jurare secundum divina eloquia, et ipsis Psephismatibus inscribi, quod neque per dationem neque promissionem, vel amicitiam, vel gratiam, vel aliam qualemcumque affeccionem ipsos elegerint. Ubi Psephisma, schedula est pro ferendo suffragio in electione episcopi, cui nomen eligendi inscribebatur.