« »
 
[]« Puginata » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 559c. http://ducange.enc.sorbonne.fr/PUGINATA
PUGINATA, Pugneia, Pugillata, Gallis nostris Poignée. Vetus Martyrologium S. Catharinæ de Valle Scholasticorum Parisiens. :
Item pro animabus omnium servientium Regis arma gerentium, pro quibus, et ad quorum petitionem Ecclesia nostra cœpit ædificari, prout in litteris Episcopi plenius continetur : proinde dicti servientes de voluntate dicti Regis ordinaverunt inter se, ut quilibet Serviens Regis arma gerens, qui tunc erat, et etiam futurus, daret nobis in eleemosynam, quamdiu viveret, et Regi serviret, Puginatas suas, videlicet in qualibet quarta decima per anni circulum quatuor denarios, hoc est per annum decem solidos, et quatuor denarios. Hoc autem dederunt nobis ad sustentationem unius fratrum nostrorum, qui pro servientibus, qui jam decesserant, et post decedentibus cotidie unam Missam de Requiem in Ecclesia nostra celebraret.
Diarium Thesauri Regii incipiens ann. 1297. 12. Junii an. 1300 :
Nomina Militum de Consilio Regis, a quibus retinuimus Pugneias, quando solvimus eis vadia sua Parlamentorum, quas non reddidimus usque nunc.
Ordinatio Hospitii S. Ludov. Regis ann. 1261 :
Valleti cameræ, quilibet 6. den. per diem, unam prebendam avenæ loco liberationis et Pugneiarum... et vult Dominus Rex, quod omnes Pugneiæ erogentur ad voluntatem ipsius per manum Eleemosynarii.
Occurrit ibi pluries. In Computo Barthol. du Drach Thesaurarii Guerrar. ann. 1339. et 1340. crebri articuli, qui Militem, aut Scutiferum spectant, his verbis clauduntur :
Sommes des gages, etc. et il a eu par 6. lettres compt. en droitures et Poignies 230. livres, etc.
les Bénédictins de St. Maur, 1733–1736.
◊ Ex his minime obscurum est per puginatas vel pugneias significari aliquid ex iis rebus, quæ in aula regia ministrantibus nomine liberationis suppeditabantur, maxime vero ea voce indigitari opinor candelarum fasciculos quos Poignée de chandoille constanter vocat Philippus V. in Statuto pro Hospitio [] suo ann. 1317. ex Cod. MS. Sangerm. :
Le Chancelier... aura livraison de chandoille, 1. septein, 1. cinquein, 11. quayers et une Pongnée de menue chandoille.
Infra :
Les Chapelains... auront tous trois livraison de chandoille, 11. quayers et une Poingnée de menues.
Rursum :
Les Sergens d'armes... n'auront que iii. quayers et demi Pongnée de menue chandelle.
Pluries ibi.
les Bénédictins de St. Maur, 1733–1736.
◊ Aliud sonat vox Puignere in Consuet. Baion. tit. 23. art. 10. Ibi enim accipitur pro ea farinæ parte trium scilicet librarum, quæ molitori ratione salarii debetur : hæc la dix-huitième Puignere de la conque dicitur loco laudato. Vide Poinanderia, Pugillus 2. et Pugnanderia.
© École des chartes.