7. PUNCTA, idem, ut videtur, quod Puginata et Pugneia, Fasciculus scilicet candelarum, vulgo Poignée. Charta ann. 1319. in Chartul. S. Maglor. ch. 58 :

Et si etiam ad instantiam amicorum talis corporis, vel motu proprio dicti curati, fieret vigilia, et celebraretur missa solum in crastino sepulturæ pro eodem, oblationes, candelæ et aliæ Gallice Pointes, erunt communes ipsi curato et priori, et in communi faciant vigiliam et missam celebrari. Item concordatum est, quod omnes oblationes, qualitercumque venientes in crotis seu votis, erunt priori, et quod idem curatus non poterit aliquod jus reclamare in eisdem, excepto quod si ibi missa celebratur, requisita vel non requisita ab aliquo, oblationes ad manum et in candellis sive Punctis, ratione missæ tantummodo erunt communes.

Vocis attamen origo nummos significare potest, qui candelis seu cereis affigi solent ; nisi de cereis, qui punctis infiguntur, malis intelligere.