PUNCTUS Turrium, Foramina in externis turrium parietibus, in quæ, dum ipsæ ædificabantur, pegmatum trabiculæ suspensæ et firmatæ collocabantur. Stat. Bonon. ann. 1250-67. tom. III. pag. 332 :

Statuimus et ordinamus quod potestas et antiani et consules teneantur.... facere fieri unam turrim lapideam, que sita sit inter utrumque palatium comunis bon. novum et vetus, vel juxta massarium comunis bon. a latere mane prout melius videbitur magistris ; que turris sit altitudinis xxvj. punctorum usque ad xxx. sicut magistris videbitur ;

et tom. II. pag. 410 :

Statuimus et ordinamus quod castrum luxulini debeat murari de bono muro bene fundato... et turris ibi incepta debeat elevari supra terram per xx. punctos.

- Cum horum foraminum series fere æquidistantes essent, serierum numerus turris altitudinem deprehendendo inserviebat in actis tabellionum, in contractibus, etc. Fr.