PUNGA, Glossarium mediae et infimae latinitatis, Du Cange et al.

« Punga » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 572a. http://ducange.enc.sorbonne.fr/PUNGA

PUNGA, Pera, Saxonice pung. S. Audoënus in Vita S. Eligii lib. 1. cap. 10 :

Quoties brachile aureum, Pungam quoque auro gemmisque comptam sibi subripuit, tantum ut miseris succurreret.

Magis placeret Pugna, qua voce pugni ornamentum significaretur, cum ad brachile propius accedat quam pera, cui aurum et gemmæ vix conveniunt : si tamen hanc vocem ex Cod. MS. optimæ notæ restituerit Duchesnius. Nihil enim temere definiendum, cum infra cap. 12. legatur :

Habebat (Eligius) bursas eleganter gemmatas.

Vide supra Pugna 1. et 2. Angilbertus Abbas Centul. apud Hariulfum lib. 2. cap. 10 :

Codex eburneus auro paratus.... Punga auro parata 1. incensaria argentea auro parata 4. etc.

Ita Græco Barbaris, πούγγη et πουγγίον, est sacculus, bursa, crumena ex corio confecta, unde nostris, poche, Leoni Imp. in Tacticis cap. 5. § 4. cap. 6. § 2. 10. Φρῆνος de capta Constantinopoli MS. πύγϰην σοῦ ϰαὶ σαϰούλιν σοῦ, etc. Alios in hanc rem locos suppeditant Rigalt. et Meurs. in Gloss. et Glossar. med. Græcit. col. 1211.

P. Carpentier, 1766.

◊ Puissette, dimin. eadem notione, in Hist. Joan. de Saintré pag. mihi 124 :

Si s'appensa qu'il les (escus) musseroit en ses Puissettes.

Puncha. Statuta Massiliensia MSS. ann. 1276 :

Tunica rugata cum Punchis.

Pochia, Pochia seu Bissacus, in Processu de Vita et mirac. B. Mariæ de Malliaco num. 42. Charta ann. 1341. apud Rymer. tom. 5. pag. 259 :

In qua archa reperientes monetas infra scriptas in saccis lineis seu Pochiis repositas.

Powchia. Will. Thorn. ann. 1248 :

Etiam ex transverso ventris sub umbilico habentes cultellos, quos Daggerios vulgariter dicunt, in Powchiis desuper impositis.