PUTURA 1, Glossarium mediae et infimae latinitatis, Du Cange et al.

« 1 putura » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 579a. http://ducange.enc.sorbonne.fr/PUTURA1

1. PUTURA. Fleta lib. 2. cap. 73. § 6 :

Ne (equi) per negligentiam, vel pigritiem, de debitis, Puturis et præbendis suis quicquam amittant.

Vetus Charta sub Edwardo I. apud Spelmannum :

Rex mandat Baronibus, quod allocent Roberto de Cadeworth Vicecomiti Lincolniensi lib. 6. sol. 7. quos per præceptum Regis liberavit Johanni de Bellovento pro Putura 7. leporariorum, et trium alenacerarium, et pro vadiis unius Bracenarii a die S. Joann. Bapt. usque ad vigil. S. Mich. proxime sequentem, utroque die computato, videlicet pro Putura cujuslibet leporarii et falconis per diem 1. d. ob. et pro vadiis prædicti Bracenarii per diem 2. den.

Placita Coronæ sub eodem Edw. ann. 21 :

In libertate de Knarespurg præsentatur, quod parcarii Comitis Cornubiæ percipient Puturam suam, videlicet bis comedendo in die, vel capiendo pro Putura sua 2. denar. de omnibus tenentibus in diversis villis ibidem nominatis, et sic solebat : sed nunc fecit dictus Comes ipsas villatas solvere 3. den. pro Putura.

Vide Precaria magna in Precaria 2.

les Bénédictins de St. Maur, 1733–1736.

◊ Ex his haud obscurum est Puturam hic idem significare quod pastura, id scilicet omne quod in cibum homini vel animalibus tribuitur : unde translata exinde hæc vox ad designandum jus gisti seu procurationis, quo dominus a vassallis hospitio et conviviis excipitur. Vide in his vocibus. Aperta sunt quæ in hanc rem profert Th. Blount in Nomolex. Anglic. v. Putura. Placit. in Itin. apud Cestriam ann. 14. Henr. VII :

Per Puturam servient. Johannes Stanley Ar. clamat habere de quolibet tenente, aliquam terram vocatam ould organg lands possidente, qualibet sexta septimana Victum prout Paterfamilias residens super hujusmodi terram habuerit.

Placit. apud Preston. ann. 17. Edwardi III :

Johannes clamat unam Puturam in prioratu de Penwortham, qui est quædam cella abbatiæ de Evesham, pro se et ministris, equis et garcionibus suis, per unum diem et duas noctes, de tribus septimanis in tres septimanas, videlicet de victualibus, ut in esculentis, et poculentis, ad custus prioratus prædicti, indebite.