QUADRI, Modus agri. Charta Caroli Simplicis ann. 23. redint. 18. etc. :

Amantissimæ conjugi nostræ Friderunæ condonavimus sub Palatio nostro Compendio de terra Quadros 80. ad cappellam construendam in honorem S. Clementis Papæ et ejus atriola.

Charta ann. 1027. in Probat. tom. 2. novæ Hist. Occit. col. 179 :

Sic dono ego Ermengaudus Comes ad te, Atto, ipsum supranominatum alodem, qui fuit de hostilitate de Progoaldi et Astre, et illorum hæredes, simul cum ipsos Quadros, quæ vocant Vicecomitales, qui sunt in villa Ortonoves.

Vide Quadrellus 3.