QUADRIFICIUM. Anastasius in Paschali PP. :

Et super columnas, in Quadrificio camerantes, musivo, pulchrisque metallis decoravit.

Id est, ex quatuor faciebus, unde forte leg. Quadrifacio : nisi in Quadrifinio quis malit, i. a quatuor finibus, quam vocem agnoscunt Frontinus, et Innocentius Agrimensor. Papias : Quadrificus, in quatuor partes fissus, i. divisus. Charta ann. 873. inter Instrum. novæ Gall. Christ. tom. 4. col. 226 :

Omnibus Christum per orbem Quadrificum adorantibus pacis concordiæque munus, etc.

Durandus lib. 6. Rationalis cap. 72 :

Dominus Quadrificum orbem morte transgressionis decem mandatorum mortuum vivificavit.

Orbi Quadrifido

, in Reinard. Vulp. lib. 3. vers. 955. Vide Quadratus Orbis.