« »
 
[]« Quinquagenarii » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 6, col. 612b. http://ducange.enc.sorbonne.fr/QUINQUAGENARII
QUINQUAGENARII, in re militari, dicti, qui quinquaginta militibus præerant, ut Centuriones, qui centum. Will. Tyrius lib. 2. cap. 20 :
Centuriones, Quinquagenarii, et numeris militaribus præpositi, etc.
Et lib. 15. cap. 1 :
Edicto Imperiali publice mandatur Primiceriis, Centurionibus et Quinquagenariis Legionum iterum cohortes instrui, etc.
Occurrit pluries hac notione lib. 4. Reg. cap. 1.
Quinquagenarii, in re civili appellati in municipiis, qui quinquaginta [] familiis præerant, ut Centenarii, qui centum, Decani, qui decem. Cathwiphus in Epist. ad Carolum M. :
Comites, Centenarios, Quinquagenarios, Decanos, et reliquos munera non accipientes, etc.
Habetur Exodi cap. 18. vv. 21. et 25. Vide Centenarii, Decani. Denique
Quinquagenarii in Monasteriis πεντηϰόνταρχοι vocati, auctori Vitæ S. Alexandri Acœmeti Abbatis num. 43. qui 50. Monachis præfecti erant.
© École des chartes.