RAFICA, Glossarium mediae et infimae latinitatis, Du Cange et al.

« Rafica » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 007b. http://ducange.enc.sorbonne.fr/RAFICA

RAFICA, Raficanum. Charta Stephani PP. VII. apud Catellum pag. 773. Sammarthanos in Archiep. Narbonensib. et Labbeum tom. 1. Biblioth. pag. 805 :

Vineas, prata, silvas, atque medietatem silvarum et telonei seu Raficam, atque naufragii, etc.

Labbeus habet hoc loco :

Medietatem salinarum, et telonei, seu Raficani, ac naufragii, etc.

Alia Caroli Simplicis Regis Franc. apud eosdem Catellum et Sammarthanos :

Concedimus præterea medietatem salinarum, telonei, portatici et Raficæ, sive naufragii, atque pascuarii, etc.

Occurrunt præterea eadem verba in alia Karolomanni Regis Francorum pro ipsa Ecclesia Narbonensi in Notis Stephani Baluzii ad Concilia Narbonensia pag. 69. At paulo aliter Charta Odonis Regis ann. 888. apud supra laudatum Catellum l. 5. Rerum Occitanar. pag. 749. et inter Instrum. novæ Gall. Christ. tom. 6. col. 10. ubi perperam legitur Rafita :

Concedimus medietatem salinarum, telonei, portatici, et Raficæ, atque pascuarii, ceu classes naufragiorum, ad eandem Ecclesiam, tam in Narbonensi, quam in Reddensi Comitatu, undecunque Comes vel ejus Missus receperit, vel recipere debuerit aliquid exactionis.

Ex quibus verbis videtur posse colligi, Raficam fuisse, quod dominus habet in naufragiis, quod Normannis Warec dicitur.

les Bénédictins de St. Maur, 1733–1736.

◊ Occurrunt voces Rafica, Rafiga, Rafega vel Raffega, sed nullo satis certo veræ notionis indicio, in Appendice Marcæ Hispanicæ col. 773. 830. 832. 833. 835. 857. 1067. 1153. 1160. apud Cardinalem de Aguirre tom. 3. Conciliorum Hispan. pag. 204. col. 1. 2. et alibi.

P. Carpentier, 1766.

◊ Huic voci proxima est Hispanica Rafaga, qua Venti afflatus vehemens significatur, atque adeo prope accedit ad sensum hic propositum ; jus nempe in navibus ad litus a vento actis.