![[]](img/image.png)
1. RAN, Rapina, Saxonice, et Danice, quæ vox occurrit in Legibus Canuti Saxonicis part.
2. cap. 58. Gloss. Saxon. post Leges Henrici I. Reg. Angliæ :
vetus pag. 520. et Petrum Resenium ad Jus Aulicum Canuti II. Regis pag.
671. Porro a Ran voce aliam ranson ortam opinatur Loccenius lib. 2.
Antiquit. Suecic. cap. 7. qua vulgo utimur pro pretio redemptionis, quasi fuerit
redemptionis pretium pro raptu : nam sona compositionem significat, ut suo loco
docemus. Unde ad pretium libertatis consecutæ translata postmodum fuerit. A voce denique
Ran, deducta alia
Ran, aperta rapina, quæ negari non potest.Leges Guillelmi Nothi cap. 62 :
Si Francigena appellaverit Anglum de perjurio, aut murdro, furto, homicidio, Ran, quod dicunt apertam rapinam, quæ negari non potest, Anglus se defendat per quod melius voluerit, aut judicio duelli, aut ferro.Vide Hovedenum pag. 601. Janum Dalmerum ad Jus Aulicum Norvegicum
![[]](img/image.png)
Boran, Deprædatio mansionis, apud Suenonem in Legibus Castrensib. cap. 10. Kanutus
Episcopus Wiburgensis lib. 2. Legum Juticarum cap. 44 :
Hoc est Boran, quando aliquis intraverit curiam alterius, et inde diripuerit pecora ejus, vestimenta vel arma, vel aliquam aliam rem valentem dimidiam marcam denariorum.Varias autem rapinarum species jus Danicum recenset, videlicet
haandran, boeran, balran, marleran, stigran, etc.