RAO, Miscellum frumentum, idem quod Mixtura. Vide Mixtum 2. Charta ann. 1339. in Reg. 75. Chartoph. reg. ch. 298 :

Item acquisivit tres punherias cum dimidia mixturæ, vocatæ Raonis, ad mensuram de Lauraco.

Alia ann. 1341. in Reg. 73. ch. 74 :

Item bladum, dictum Raon seu mixtura.

Charta ann. 1361. in Reg. 103. ch. 78 :

Item sunt sex sextariatæ terræ et prati,... fructus eorumdem fuerunt extimati... tres eminas Raonis.

Pluries ibi. Alia ann. 1394. in Reg. 146. ch. 441 :

Quatuor sextaria Raonis, quæ computando xxx. sol. Turon. pro quartone mixturæ seu Raonis, etc. Duo cestaria mixturæ seu Raonis ad mensuram Tholosæ.

Semel ibi mendose, Racionis. Neque aliter videtur intelligendum Bleit de regon, in Charta Joan. ducis Lothar. ann. 1283. ex Suppl. ad Miræum pag. 139. col. 1 :

Cinquante muis de bleit de Regon à la mesure de Liege, etc.

Vide supra Arao.