1. RAPA, Rapus, Comitatus portio major, læsti instar, quæ plures in se continet hundredos, seu centurias. Omnis autem Sussexia in sex tantum rapos consumitur. Spelm. Charta ann. 10. Henrici VII. Regis Angliæ apud Madox Formul. Anglic. pag. 212 :

Cum curiis letis, feriis, mercatis, visubus franci plegii, hundredis, Rapis, libertatibus, wardis, maritagiis, releviis, eschaetis, parcis, forestis, una cum... ordinatione omnium Officiariorum, etc.

Literæ Edwardi I. Regis Angl. ann. 1274. apud Rymer. tom. 2. pag. 38 :

Rex Militibus, liberis hominibus et omnibus aliis tenentibus de honore et Rapo de Hasting salutem. Cum D. Henricus Rex, pater noster, per cartam suam dederit et concesserit karissimo et fideli nostro Johanni de Britannia prædictos honorem et Rapum, habendos sibi et hæredibus suis in perpetuum, etc.

Vide Lappenberg. Hist. Angl. tom. 1. pag. 586.

2. RAPA, Vestis, tunica, f. pro Raupa. Vide Raub. Libert. Avenioneti ann. 1463. in Reg. 199. Chartoph. reg. ch. 347 :

Concedimus quod dicti consules possint et valeant portare Rapas bispertitas colorum nigri et rubei.

3. RAPA, Rappa, Sepes, sepimentum, vel locus sentibus et dumis obsitus, idem quod Rapeium. Charta ann. 1263. in Reg. S. Ludov. ex Chartoph. reg. fol. 39. r° :

Item pro albergis, herbagiis et Rapis, sexdecim solidos.

Arest. parlam. Paris. sub Joan. reg. ex Cod. reg. 8312. 5. fol. 13. r° :

Erat prope Rappam dictorum fossatorum paries vel murus, qui claudebat dictum jardinum.

Exstat locus alter in Abardilla. Vide infra Rapinale.