« »
 
RASCIA 1, RASCIA 2, RASCIA 3.
[]« 1 rascia » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 019a. http://ducange.enc.sorbonne.fr/RASCIA1
1. RASCIA, Modus agri, vel vineæ. Tabularium Prioratus de Paredo in Ducatu Burgundiæ fol. 17 :
Quidam homines..... vendiderunt monachis hujus loci 3. Rascias de vinea, quas ad medium plantum tenebant.
Fol. 40 :
Vendidit monachis..... unam Rasciam vineæ, etc.
Occurrit non semel.
les Bénédictins de St. Maur, 1733–1736.
◊ Etiam hodie rustici Dumbenses Raseau vel Rasiere de vigne appellant modulum vineæ longiorem quam latiorem a reliquo vineæ parvula via disterminatum. Rasciarum vineæ, e veteribus Chartis meminit Mabillonius in Elogio S. Odilonis sæc. 6. Benedict. part. 1. pag. 644. et 645. Suspicor Rascia dictum fuisse pro Fascia, de qua suo loco.
P. Carpentier, 1766.
◊ Vide supra Rasa 4. Rache vero, Mensura frumentaria, eadem quæ Rasa 2. Charta ann. 1394. in Reg. 148. Chartoph. reg. ch. 258 :
Lesquelz religieux de S. Michiel ou péril de la mer, ont assis..... quatre solz o Mastey des moulins et une Rache de froument.
© École des chartes.
[]« 2 rascia » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 019a. http://ducange.enc.sorbonne.fr/RASCIA2
2. RASCIA, Aqua subsidens, locus aquaticus, et lutosus, vulgo Raque, Picardis. Charta Philippi Comitis Flandrensis ann. 1176. apud Buzelinum lib. 2. Gallofl. cap. 22 :
Excepto eo, quod ibi habet Aquicinctensis Ecclesia a Rascia Pomeriis, usque ad Rasciam Rullagii, et quod domino Warlemii in angulo suo licet habere tres tantummodo lacunas talis (f. palis) et viminibus compositas, sed nullam ex jure licet ei exercere piscationem per decurrentes aquas.
Vide Rascare. Vide supra Rachia.
© École des chartes.
[]« 3 rascia » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 019a. http://ducange.enc.sorbonne.fr/RASCIA3
3. RASCIA. Declarationes Congregationis Casinensis S. Justinæ ad cap. 55. Regulæ S. Benedicti :
Chlamydes vero sive de Rascia, sive de panno, sive de feltro, sive secundum consuetudinem Congregationis nostræ, non serico superne contextæ, nec Laïcorum more bullis sericis antebulatæ, etc.
Mox :
Pilei, sive de lana, sive de palea, non sint, ut sæculares utuntur, in turbinem elati, aut acuti, aut etiam serico ornati, sed depressi, plani, ac simplici Rascia cooperti, si fuerint cooperiendi.
Idem forte quod Rasum. Vide in hac voce.
P. Carpentier, 1766.
◊ Species panni lanei, sic dicti, ut vult Murator. tom. 2. Antiq. Ital. med. ævi col. 1275. e loco seu regione ubi fabricabatur ; in regno scilicet Rasciæ, quæ Servia nunc appellatur.
L. Favre, 1883–1887.
◊ Mortuo Laurentio de Medicis, anno 1492, filius (Leo X futurus) :
Pannos de Rascia familiaribus suis omnibus dari fecit.
(Diar. Burchard. I, 460.)
© École des chartes.