2. RASTRUM, Vestigium, indagatio, ex Hispan. Rastro. Observantiæ Regni Arag. lib. 6. de Privileg. Militum, § 9 :

Quilibet flagrante crimine potest mittere appellitum, ubi facta fuerit rapina vel furtum, et prosequi malefactorem talem, et sine officiali per loca ordinum religiosorum et Ecclesiarum cujuslibet alterius intrare viginti infra villam prædictorum, vel ad pedem castri venire, et petere Domino villæ, vel castri, aut Alcaydo, vel juratis loci, quod emparent Rastrum, et sequantur, et extrahant de termino, etc.

Lib. 9. tit. de Proditionibus :

Si quis assecuraverit personam alicujus, vel fecerit pacem, datis manibus, sub pœna proditionis, postea unus istorum invadit alium,... et scias, quod pœna proditoris in corpore est, quod Rastretur, etc.