« »
 
[]« 1 recapitulare » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 038b. http://ducange.enc.sorbonne.fr/RECAPITULARE1
1. RECAPITULARE, id est,
Ad initium redigere
, uti interpretatur Tertullianus lib. 5. adversus Marc. cap. 17. a capite initium resumere. S. Augustinus lib. [] 20. de Civitate Dei cap. 14 ::
Recapitulando dicit, tamquam ad id rediens, quod præterierat.
Et cap. 21 :
Recapitulat ab initio.
Hesychius : Ἀναϰεφαλαιοῦται, συμπληροῦται, ἐπαναλαμϐάνει. Esdr. cap. 4. v. 12 :
Qui recapitulabunt impietates ejus, etc.
Utuntur Irenæus lib. 5. cap. 151. Commodianus Instr. 41. etc. S. Hieronym. lib. 1. adv. Jovinianum cap. 10.
les Bénédictins de St. Maur, 1733–1736.
◊ Ad hanc notionem proxime accedit nostrum Recapituler, Res disperse et diffuse dictas aut scriptas sigillatim cogere, summatim repetere, recensere. Hoc intellectu legimus ad calcem tituli 31. Capitularium Caroli Calvi :
Hæc eadem domnus Karolus Romana lingua annuntiavit, et ex maxima parte lingua Theodisca Recapitulavit.
Concil. Narbon. ann. 589. tom. 2. Concil. Hispan. pag. 385 :
Die Kalendarum Novembris Deo auspice in unum convenimus, et aliquanta quæ juste et pie sunt edita... Recapitulare fecimus.
Adde Historiam Mediani Monasterii pag. 192. etc. Chronicon Farfense apud Murator. tom. 2. part. 2. col. 574 :
Et dederunt invicem guadimoniam, ut constituto termino judicantibus judicibus fecissent secundum legem, et qui ex eis defuisset, non amplius præsumeret Recapitulare illam controversiam ;
hoc est, redintegrare, iterare. Guidonis Discipl. Farfensis lib. 1. cap. 18 :
Responsoria duo et duo decantent pariter : ad
Gloria Patri adjiciantur plures, et post Gloria Recapitulent a capite ; id est, iterum decantent ab initio. Adde cap. 38. ejusdem libri, et vide Vossium de Vitiis serm. lib. 4. cap. 20.
© École des chartes.