RECOLAMEN, Glossarium mediae et infimae latinitatis, Du Cange et al.

« Recolamen testium » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 050a. http://ducange.enc.sorbonne.fr/RECOLAMEN

RECOLAMEN Testium, Iterata testium interrogatio, quæ fieri solet in causis criminalibus, ad cognoscendum num testes in suis depositionibus perseverent, Gall. Recolement. Decretum summæ Curiæ contra Marescallum de Gié ann. 1505. ex Archivo Castri Nannet. :

Tandem visis inquisitione seu informationibus testiumque Recolamine et ipsius de Rehan depositione.... Curia nostra per suum arrestum judicavit, etc.

les Bénédictins de St. Maur, 1733–1736.

Recolamentum, Eadem notione, in Charta Caroli Regis Franc. ann. 1446. apud Thomasserium Consuet. Bituric. pag. 808. in Regesto Parlamenti ann. 1491. apud Baluzium tom. 2. Hist. Arvern. pag. 642. Non semel utuntur recentiores Jurisconsulti. Vide Bleynianum Instit. pag. 572. et Vossium lib. 3. de Vitiis serm. cap. 41. ubi Recolamenta generatim definit Quibus recolitur memoria ac renovatur. Tum addit : Si argumentorum sint ἀτέχνων (artis expertium) pro iis, cum Budæo in forensibus, malim revocata testimonia : quomodo quis revocare testes dicitur, si iterum jubeat dicere testimonium.

les Bénédictins de St. Maur, 1733–1736.

Recolare Testes, Testes revocare atque iterum interrogare, Gall. Recoler. Charta Caroli Reg. Fr. ann. 1446. jam laudata :

Quodque prædicti testes, tam in turba quam singulariter, pro parte dictorum defensorum producti Recolarentur, quo Recolamento facto, etc.

Præter usum a testibus ad alios transfertur hoc verbum, in Declaratione Commissariorum Urbani V. PP. de permutatione facta inter Regem Fr. et Archiepiscopum Senon. ann. 1368. apud Lobinel. tom. 5. Hist. Paris. pag. 661. col. 1 :

Appreciationem sic factam, per alias personas in talibus etiam circumspectas et expertas, cum discussione debita examinari, recenseri et Recolari fecimus.

Verbum ductum a latino Recolere, quod Ciceroni aliisque

proprie est repetere, renovare, in memoriam revocare ; unde olim etiam nostri Recoler forte dixerunt pro Recordari, memoriter recitare, referre : quod tamen Borellus deducit a Recorer, Recordari. Vide de Lauriere in Glossario Juris Gallici.

les Bénédictins de St. Maur, 1733–1736.

Recolacio, Renovatio, nova inquisitio, in qua recolitur seu in memoriam revocatur id, quod jam actum est, ut confirmetur vel corrigatur. Literæ Caroli V. Franc. Regis ann. 1365. apud D. Secousse tom. 4. Ordinat. pag. 574 :

Si vero dictum numerum focorum in futurum contingerit augmentari, et super hoc fieret semel vel pluries alia Recolacio seu reformatio dictorum focorum, prædicti Consules et Universitas, quando et quociens a Nobis aut gentibus nostris petetur subsidium ab eisdem, solvent solum pro numero focorum, qui tunc temporis veraciter reperietur ibidem.