![[]](img/image.png)
RECONDITORIUM, Locus ubi Chartæ reconduntur, Chartophylacium. Charta Ludovici Pii Imper.
ann. 832. apud Felibianum Hist. San-Dionysianæ pag. lv :
Duas inde pari tenore conscriptas firmationes fieri jussimus, ut una imperialis aulæ Reconditorio palatinis salvetur excubiis ; altera ab ipsius monasterii custodibus in perpetuum diligenti cura debeat provideri.Ubi reliquiæ collocantur, in Miraculis S. Heinrici cap. 13. apud Pertz. tom. 4. Scriptor. pag. 816 :
Auferri furtim reliquias metuebat ; ad quod precavendum ex quadris lapidibus facto satis habili Reconditorio, eas in illo collocavit.