REDECIMA, Redecimatio, Decima pars decimæ seu Decima decimæ, uti appellatur apud S. Rembertum in Vita S. Anscharii Archiepisc. Hamburg. num. 61. in veteri Charta apud Columbum lib. 3. de Episcopis Variensibus n. 14. et in Charta Waldemari Regis Daniæ ann. 1240. apud Pontanum lib. 6. extremo Rerum Danicarum. Tabul. Albæ ripæ in Diœcesi Lingon. ann. 1219 :

In tertiis nostris habet Redecimam suam et minutum bladum, etc.

Charta Milonis Episcopi Belvac. ann. 1225 :

Decimam decimæ suæ, quod vulgariter Redecimum appellatur.

Charta alia apud Perardum in Burgundicis :

Qui decimarum Redecimam capiebat.

Vide eundem pag. 138. 194. 195. Alia in Historia Sabaud. pag. 26 :

Decimam et Redecimam de propriis laboribus.

Charta Henrici II. Regis Angl. tom. 2. Monast. Anglic. pag. 1010 :

Et Redecimam vini sui ad cellarium, præter primam decimam, quæ solito more datur ad torcularia.

Charta ann. 1181. apud Lobinell. tom. 2. Hist. Britan. col. 137 :

Dederunt medietatem census sepiarum in fluvio Rentia ad S. Ciliacum, excepta Redecima, quæ est monachorum S. Martini.

In Diplomate Philippi Franc. Regis ann. 1221. Anselmus de Botterviller quittat Abbati Floriacensi

Redecimam, spilones, gaspiliones, terratas, etc

. Index MS. Beneficiorum Eccles. Constantiensis fol. 33 :

Episcopus Constantiensis percipit duas garbas decime et Abbas percipit terciam garbam una cum Redecima duarum garbarum dicti Episcopi.

Histor. MS. Beccensis pag. 447. num. 2 :

Concessit decimam denariorum et Redecimam omnium bladorum. Redecima de silva,

in Chartulario S. Vincentii Cenoman. fol. 157.

Redecimatio bladi et vini,

in Charta ann. 1127. ex Archivo Prioratus de Firmitate Walcheri. Redecimatio de decimis, in Charta ann. 1214. ex Archivo S. Victoris Massil. Ordericus Vitalis lib. 3. pag. 466 :

Dedit præfato Cœnobio... quæcumque Osbernus Presbyter tenebat cum Redecima thelonei.

Idem lib. 8. pag. 669 :

Decimam molendinorum et omnium exituum suorum, et Redecimationem promptuariorum suorum, addidit.

Charta Galteri Archiep. Rotomag. in Tabul. S. Victoris Paris. num. 21 :

Presbyteri de Amblevilla Redecimationem habent in tota decima.

Monasticum Anglican. tom. 2. pag. 199 :

Decimationem omnium molendinorum suorum in Anglia, et Redecimationem omnium caseorum suorum, ubicumque fiant in Anglia.

Adde tom. 3. pag. 12. Fundatio Abbatiæ S. Mariæ apud Santonas ann. 1047. inter Instrum. novæ Gall. Christ. tom. 2. col. 479 :

Donamus.... ecclesiam etiam S. Johannis de Anglis cum integritate sua et Redecimatione de universis medietatibus (mediaturis in MS.) nostris dominicis.

Charta Roberti Flandriæ Comitis ann. 1089. apud Miræum tom. 1. pag. 359. col. 1 :

Redecimationis vero nummorum de cunctis ovilibus meis, quæ similiter ab antecessoribus meis in ædificia ecclesiæ (S. Donatiani Brugensis) data est, talem mihi meisque successoribus retine potestatem, etc. Hanc tamen ipsam Decimationem sic liberam Ecclesiæ confirmo, etc.

Ubi Redecimatio et Decimatio idem sonant. Adde Chartam alterius Roberti cognomine Frisii ann. 1085. apud eumdem Miræum tom. 2. pag. 1137. col. 2.

Redecimatio oblationum altaris,

in Tabulario Majoris-Monasterii. Charta ann. 1284. tom. 2. Hist. Eccl. Meld. pag. 181 :

Le Redisme, c'est à savoir aprés le dixieme, l'onzieme de tout son blaage de blez et d'avannes, et d'autre grain que il avoit à Joy seur Morain.

MS. :

Por la diesme qui fu si grant,

Que tant i out de remanant,

Refu la diesme Rediesmée,

Et la Rediesme en fu gardée.

Vide Prodecima, Cario, Menagium 2. et Ministerialitas 1.