REDUCTUS, Glossarium mediae et infimae latinitatis, Du Cange et al.

« Reductus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 074b. http://ducange.enc.sorbonne.fr/REDUCTUS

REDUCTUS. Charta ann. 1182. apud Hieron. Rubeum in Historia Ravennat. pag. 354 :

Promisit Gerardo Archiepiscopo S. Ravenn. Ecclesiæ manutenere fidelitatem, quam fecerat pro feudo Argenteæ,... et guerram, et pacem, et cavalcatam, et Reductum de prædicta parte juravit.

Ut pax guerræ, ita Reductus hic opponi videtur cavalcatæ, et proxime accedere ad Reductum subsequentem.

les Bénédictins de St. Maur, 1733–1736.

Reductus, Locus secretus, refugium, asylus, Gallis Reduit, Ital. Ridotto. Charta ann. 1379. e Schedis Præsidis de Mazaugues :

Dictum castrum (de Alansono) habet fortalitium, quod est Domini, et justa illud habet Reductum, in quo se reducunt tempore guerræ.

Acta S. Franciscæ Rom. tom. 2. Martii pag. 160* :

Recipe securitatem, anima Deo dilecta, et vade ad tuum Reductum.

Vox frequens in re obsidionali, ut observat Thomas de Aquino, qui Reductus recte definit munitiunculas excitatas figura quadrata, præcipue in linea ambitus interioris, certis intervallis dissitas, ut fossores accessum et milites munita habeant loca, quo se recipiant, cum arcis obsessæ præsidiarii ad interturbanda et diruenda opera præcurrunt. Hasce munitiunculas nostri etiam vocarunt Redoute a voce Reductus hac notione.

P. Carpentier, 1766.

◊ Receptus, Gall. Retraite. Pax inter Joan. Galeat. et Theod. Montisfer. march. inita ann. 1382. tom. 3. Cod. Ital. diplom. col. 322 :

Convenerunt dictæ partes ad invicem et vicissim, quod de cætero ad invicem non movebunt guerram,.... et quod etiam alicui inferenti... non dabunt Reductum nec vitualia.

Tract. pacis ann. 1427. ibid. col. 1090 :

Quod dicti domini duces Sabaudiæ et Mediolani non dabunt transitum, Reductum vel receptum,... aliquibus inimicis alterius.