REGERIA, in Charta Rogeri episc. Camerac. ann. 1190. ex Chartul. A. ejusd. eccl. :

In commune deduci volumus quod ecclesiæ Beatæ Mariæ Cameracensis emolumentum quoddam, quod vulgo Regeria dicitur, æstimationis quatuor mencaldorum farinæ, vel amplioris, quod a manu revocavimus aliena, in molendino de Becherel de Selis hebdomada qualibet accipiendum, in elemosinam pro nostræ parentumque nostrorum, necnon fratrum et sororum animarum memoria perpetim possidendum libere contradidimus.

Pensitationem fuisse, quam a vassalis exigebat dominus pro frumenti molitura in molendinis suis, colligitur ex Charta Henr. imper. ann. 1196. in Tabul. ejusd. eccl. :

In parte molituræ molendinorum de Seles ad regalia nostra spectantium.