REGNICOLA, Indigena. Gesta Manfredi et Conradi Regum apud Murator. tom. 8. col. 609 :

Legem ponit Regnicolis, nevosque secretarios... statuit.

Constitutiones Frederici Regis Siciliæ cap. 7 :

Censemus, ut in tota Sicilia... quatuor justitiarii nobiles et Regnicolæ, pollentes divitiis, debeant anno quolibet ordinari.

Chronicon Dominici de Gravina, apud eumdem Murator. tom. 12. col. 549 :

Guerram perfidam intulerunt in regnum, ex qua... plurimi Regnicolæ perierunt.

Adde col. 563. 570. 716. Diploma Caroli Regis Hungariæ ann. 1327. apud Ludewig. tom. 5. Reliq. MSS. pag. 478 :

De regno nostro Hungariæ ipsis aliqua subsidia per quoscumque nostros Regnicolas afferatur.

Stylus Parlamenti cap. 4 :

Et in omni loco omnibus Regnicolis, etc.

Nostri Regnicoles vocant, non ipsos indigenas proprie, sed alienigenas seu advenas pari jure cum indigenis potientes. Observat Vossius lib. 3. de Vitiis serm. cap. 41. non minus ἀναλόγως, Regnicolas dici quam Cœlicolas, sed usum veterum non admisisse ; nollet tamen in versu semper damnari.