« »
 
[]« Rememorare » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 119a. http://ducange.enc.sorbonne.fr/REMEMORARE
REMEMORARE, Rememorari, Reminisci, recordari, in memoriam revocare. Occurrit 3. Reg. 17. 18. Ps. 77. 35. Hebr. 10. 32. et apud Tertullianum lib. 4. adv. Marcion. cap. 43. veterem Interpretem S. Irenæi lib. 1. cap. 1. num. 11. ult. edit. lib. 4. cap. 33. num. 12. Sed pro Digerere, recognoscere, aut in pristinum ordinem reducere, accipit idem Interpres lib. 3. cap. 21. n. 2 :
Inspiravit Hesdræ Sacerdoti tribus Levi, præteritorum Prophetarum Rememorare sermones, et restituere populo eam legem, quæ data est per Moysem.
Ubi Irenæus :
Ἐνέπνευσεν Ἓσδρᾳ τῷ ἱερεῖ ἐϰ τῆς φυλῆς Λευί, τοὺς τῶν προγεγονότων προφητῶν πάντας ἀνατάξασθαι λόγους, etc.
P. Carpentier, 1766.
◊ Rémoller, eadem notione, vel pro Narrare, Gall. Raconter, in Mirac. MSS. B. M. V. lib. 2 :
Ichi après voel Rémoller
Un miracle du saint soller.
les Bénédictins de St. Maur, 1733–1736.
Rememoratio, Recordatio, Psalm. 37. 1. et 69. 1. Rememoratio vitiorum, apud Johannem Sarisber. lib. 8. Policrat. cap. 6.
Rememoratio tanti beneficii,
in Charta ann. circiter 890. apud D. Fleureau part. 3. Histor. Bles. pag. 202.
Rememoratio locorum,
apud Raim. Duellium tom. 1. Miscell. pag. 210. Pro Anniversario sumitur in Chronico Valciodorensi tom. 7. Spicil. Acher. pag. 559 :
Domnus Florinensis Godefridus ob suæ [] salutis remedium de suo proprietario liberam nostræ Ecclesiæ donationem faciens, redditum duorum solidorum in Harneis illi tradidit, et ut Fratribus quotannis in sua Rememoratione administrentur, per succedentia tempora instituit.
Vide supra Remembrantium.
les Bénédictins de St. Maur, 1733–1736.
Rememorator, Anglis Remembrancer, Monitor.
Rememoratores scaccarii
, apud Thomam Blount in Nomolexico : quod consule in v. Remembrancers.
P. Carpentier, 1766.
◊ Charta Henr. reg. Angl. ex Cod. reg. 8387. 4. fol. 81. v° :
Præfatus Robertus habet officium Rememoratoris et custodiam papirorum prothogalium et notariorum regalium, etc.
Vide mox in Rementus.
les Bénédictins de St. Maur, 1733–1736.
Rememoratorium, Charta, quam vulgo Notitiam vocant. Vide Breve rememoratorium.
© École des chartes.