REMOTA, Remotio, a Gallico fortassis Motte, gleba, hic appellatur Occatio, cum scilicet glebæ agrorum conteruntur. Guerardo Aratio iterata, apud Cenomanos Remuette, Burgundionibus Rebueil. Charta Ramerici Abb. S. Winwaloei Monasteriol. ann. 1000. post Irminon. pag. 353 :

In unoquoque anno debet habere comes tres coroweias, ad galcheras, ad Remotiones, ad avenas, etc.

Libert. Dompnimed. ann. 1246. tom. 7. Ordinat. reg. Franc. pag. 693. art. 41 :

Quilibet juratus qui carrucam habet, debet tres corveas per annum ; scilicet ad avenas, unam ; ad gascherias, secundam ; ad Remotiones, tertiam.

Aliæ pro incolis de Bernardivil. ann. 1247. ibid. pag. 694. art. 41 :

Quilibet juratus qui habet equm vel equos ad terras colendas, debet corveias per annum, scilicet tres corveias in Aucusto... ad blada domini adducenda, et unam ad Remotas,... et unam corveiam ad gascherias.

Vide supra Recalcare 3.