RENDERIUS, Emphyteota, conductor vel quivis tenens vectigali obnoxius, idem qui supra Redituarius, Provincialibus nostris Rendié et Rentié. Capitulum generale MS. S. Victoris Massil. ann. 1426 :

Arrendamenta omnium prioratuum et reddituum fiant ad exstinctum candelæ, et plus et ultra (f. ultimo) offerenti adjudicentur... tempore quo Renderii illa exsolvunt.

Charta ann. 1428. ex Schedis Præsidis de Mazaugues :

Presentibus... domino Hugone Flaix capellano castri de Valleta Renderio prioratus dicti castri de Masalguis.

Contractus Monialium Artacellæ ann. 1403. ex iisdem Schedis :

Renderii solidos 12. pro uno porquo et totidem de garachio.

Statuta Avenion. lib. 1. rubr. 20. art. 3 :

Substituti notariorum non possint aliquos contractus vel distractus recipere inter eorum magistrum et alium, quod si sumpserint, sint ipso jure nulli, in his quæ concernunt utilitatem eorum magistri : quod locum habeat in conductoribus seu Renderiis officiorum eorumdem magistri.