RENTALE, Reditus, proventus, Gallis Rente, Rentage, vel potius Codex censualis, Gall. Rentier, in Consuetud. Britan. art. 74. 77. et 78. Iter Camerarii Scotici cap. 3 :

Deinde petatur Rentale burgi, per quod firmæ perticatarum terræ leventur, vel levari debeant, tam de terris vastis, quam ædificatis.

Charta Richardi II. Angl. Regis ann. 1381. apud Rymer. tom. 7. pag. 338. col. 1 :

Cartæ, scripta, munimenta, rotuli, evidentiæ et Rentalia Prælatorum, Dominorum et Magnatum, etc.

Et paulo post :

De combustione et destructione cartarum, scriptorum, munimentorum, evidentiarum seu Rentalium, etc.