REQUIETORIUM, Tumulus, sepulcrum, Sedes Requietionis, apud Hugonem Flaviniac. in Chron. pag. 93.

Locus Requietionis,

in Vita S. Anstrudis cap. 36. Ita apud Flodoardum lib. 4. cap. 52 :

Corporis Requietio.

Vetus Inscriptio :

P. Scantius Philetus fecit sibi et Scante Nice lib. Requietorium.

Alia :

Requietorium amici bene facere semper studiosus.

Alia Inscriptio Sabariæ in Pannonia a Lazio edita :

Hic positus est Florentinus infans, qui vixit annos septem et Requiem accepit in Deo Patre nostro et Christo ejus.

Alia apud Gruterum 1030. 8 :

Sibi et conjugi karissimæ Requietorium fecit.

Vetus Epitaphium :

Hic jacet æterna filius in Requie.

Aliud apud Ambrosium Moralem lib. 11. cap. 41 :

Litorius famulus Dei vixit annos plus minus lxxv. Requievit in pace viiii. Kal. Julias æra d. xxxxviii.

Aliud cap. 69 :

Severus Presbyter famulus Christi vixit ann. lv. Requievit in pace Domini xi. Kal. Novembris era dcxxii.

Adde cap. 53. Cicero 1. Tuscul. quæst. ex veteri Poëta :

Neque sepulchrum quod recipiat habeat portum

  corporis,

Ubi remissa vita corpus Requiescat a malis.

Lactantius lib. de Mortibus Persecutor. num. 24 :

Atque ita in lecto suo Requiem vitæ, sicut optabat, accepit.

Senator lib. 6. Epist. 18 :

Defunctorum sanctam Quietem dixit.

In lege 8. Cod. Theod. de Indulg. crimin. (9, 38.) sepulcrorum violatores dicuntur, qui Quiescere sepultos non sinunt.