« »
 
RESPONSIO 1, RESPONSIO 2, RESPONSIO 3.
[]« 1 responsio » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 150c. http://ducange.enc.sorbonne.fr/RESPONSIO1
1. RESPONSIO, Sponsio, fidejussio, Gall. Caution. Privilegia Dalphinatus ann. 1349. tom. 2. Histor. Dalphin. pag. 588. et tom. 5. Ordinat. Reg. pag. 45. num. 27 :
Item, quod ipse Dom. Dalphinus vel successores.... non possint, nec debeant levare, vel retinere victualia..... nisi pro justo pretio..... et nisi primitus de dicto pretio illis, quorum essent victualia, realiter per solutionem, aut Responsionem sufficientem ydoneæ personæ, quæ se obligaret de solvendo unum infra mensem proximum dictum pretium, etc.
© École des chartes.
[]« 2 responsio » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 150c. http://ducange.enc.sorbonne.fr/RESPONSIO2
2. RESPONSIO, Gall. Responsion, vox in usu in Ordinibus Militaribus S. Johannis Jerosolymitan. S. Lazari, etc. qua significant annuam pensionem a quolibet Equite totius Ordinis Procuratori solvendam. Charta fundationis Monasterii Belliloci ann. 1259 :
Unam marcham sterlingorum argenti ad opus dictæ domus S. Johannis Jherosolimitani annis singulis et non amplius percipiatis et habeatis ibidem pro Responsione in subsidium Terræ sanctæ.
Litteræ procuratoriæ et plenæ potentiæ Magistri et Conventus ultramarini Ordinis Domus S. Johannis Jerusalem Alberto de Castronigro concessæ ann. 1313. apud Rymer. tom. 3. pag. 461. col. 1 :
Dantes et concedentes eidem (Alberto)..... plenam et liberam facultatem....... bajulis seu domibus, per eum vel alium seu alios limitatis taliter, Responsiones certas et pingues, ad utilitatem Terræ sanctæ negotii, imponendi, ipsas bajulias et domos regendas et administrandas ad vitam vel alias ipsis, quibus expedire noverit, committendi et conferendi, etc.
Ibidem col. seq. :
Et a Procuratoribus nostris loca nostra tenentibus.... ad quorum manus Responsiones, talliæ, subventiones.... pervenerint.... petendi, audiendi, exigendi et recipiendi de hiis, etc.
Bulla Pii IV. PP. in Privilegiis Equitum S. Johannis Jerosol. pag. 172 :
Pensiones seu Responsiones et onera super domibus, præceptoriis et aliis beneficiis hospitalis hujusmodi imponi solita, etc.
les Bénédictins de St. Maur, 1733–1736.
◊ Harumce Responsionum instar Responsiones etiam vocat Paulus III. Papa pensitationes, quas e redditibus suis in communem usum refundere debebant Canonici aliique Ecclesiæ Insulæ Barbaræ Beneficiati, ut discimus ex Bulla ejusdem Papæ ann. 1549. pro sæcularisatione ipsius Monasterii tom. 1. Maceriarum ejusdem pag. 264. ubi habetur :
Ipsique (Canonici).... prioratus et alia beneficia ab eodem monasterio dependentia obtinentes, Responsiones etiam, refusiones et librationes nuncupatas, et alia onera per eos in dicto monasterio fieri et supportari solita, in omnibus et per omnia perinde ac si suppressio et creatio prædictæ factæ non fuissent, faciant et supportent.
P. Carpentier, 1766.
◊ Responsion, in Lit. ann. 1377. tom. 6. [] Ordinat. reg. Franc. pag. 261. et in aliis ann. 1406. tom. 9. pag. 186.
P. Carpentier, 1766.
Responsio, Præstatio quævis annua. Stat. MSS. eccl. Tull. ann. 1497. fol. 3. v° :
Gengulphini nequeunt sub gravibus pœnis prævenire pulsationem majoris hujus ecclesiæ ;..... exceptis vigilia et die festi beati Gengulphi, in quibus eis licet pulsare ad libitum, mediante Responsione unius modii vini ad Bayart.
© École des chartes.
[]« 3 responsio » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 151a. http://ducange.enc.sorbonne.fr/RESPONSIO3
3. RESPONSIO, Consensus. Jac. Gothofr. in leg. 1. Cod. Theod. de Raptu virginum vel viduarum (9, 24.) :
Nihil ei (qui raptum facit) secundum jus vetus prosit puellæ Responsio.
© École des chartes.