« »
 
RETRACTARE 1, RETRACTARE 2.
[]« 1 retractare » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 164b. http://ducange.enc.sorbonne.fr/RETRACTARE1
1. RETRACTARE, Idem quod simplex Tractare. Cod. lib. 10. tit. 15. leg. 3 :
Præcepit nostra serenitas, neque veloci cursui, neque alii præter inveteratam consuetudinem gravamini subjacere Chartularios, qui de cohortalibus officiis uniuscujusque provinciæ largitionales titulos Retractare constituuntur : cum idem etiam amplissima præfectura disposuisse perhibeatur ; ut his necessitatibus liberati, fideliter largitionales titulos valeant Retractare.
Ita et Tertullianus non semel. Vetus Interpres S. Irenæi lib. 5. cap. 11 :
Ne relinqueretur quæstio his, qui infideliter Retractant de eo.
Id est, dubitant, ambigunt, vacillant disputantve. Glossæ Lat. Græc. : Retractas, διαλογίζῃ, ἀναϐάλλῃ, δεισιδαιμονεῖς, ἀναλογίζῃ. Retractant, ἀντιϐάλλουσιν. Retractat, ὑποχωρει, διστάζει, παραιτεῖται. Retractentur, ἀναψηλαφοῖντο. Retracto, ἀνατίθεμαι. Adde Glossas Gr. Lat. Retractare, pro Detrectare, dixerunt ejusdem ætatis Scriptores, ut Salmasius pluribus probat ad Spartianum in Hadriano cap. 12.
les Bénédictins de St. Maur, 1733–1736.
Retractare Secum, Meditari, cogitare. Vita MS. S. Wenwaloei fol. 17 :
At doctor egregius verba narrantis intento hauriens animo, secumque audita parumper Retractans, etc.
© École des chartes.
[]« 2 retractare » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 164b. http://ducange.enc.sorbonne.fr/RETRACTARE2
2. RETRACTARE, Repetere, retrahere, Gall. Retirer. Charta ann. 1214. apud Lam. in Delic. erudit. inter not. ad Chron. imper. Leon. Urbevet. pag. 218 :
Promiserunt homines civitatis Arretinæ suorumque burgorum et subburgorum, qui modo sunt vel inantea erunt, non Retractare vel repetere sine mandato potestatis Arretii, etc.
Hinc Gallicum Retraittier, pro Révoquer, vel Restreindre, in Lit. ann. 1358 : tom. 3. Ordinat. reg. Franc. pag. 332 :
Et ycelles (lettres) voulons estre tenuez et gardées perpétuelment, sans les Retraittier ou enfraindre comme que soit.
Unde Retraictement, pro Retranchement, restriction, Imminutio, limitatio, in Charta ann. 1365. apud Lobinell. tom. [] 2. Hist. Brit. col. 517 :
En nom de bons, feaux, irrévocables et perpétuels paix et accords à durer, valoir et tenir entiérement et fermement, sans aucun Retraictement ou rechef.
Vide infra Retroagere.
© École des chartes.