REVELATIO 1, Glossarium mediae et infimae latinitatis, Du Cange et al.

« 1 revelatio » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 171a. http://ducange.enc.sorbonne.fr/REVELATIO1

1. REVELATIO, Gall. Revelation, Arcani patefactio, indicium, in Bibliis sacris passim. Glossæ Lat. Græc. : Revelacio, ἐπιφάνεια, τὸ φαινόμενον, ἀποϰάλυψις. Adde Græco-Latinas. Utuntur non semel Scriptores Ecclesiastici, Tertullianus lib. 5. adv. Marcion. c. 4. S. Hieronymus Epist. 25. ad. Paulam de obitu Blæsillæ cap. 2. S. Augustinus lib. 9. Confess. cap. 10. et alii. De libris Revelationum vidend. Glossar. med. Græcit. col. 102. voce Ἀποϰαλύψεις.

2. REVELARE 2. REVELATIO © École des chartes.

« 2 revelatio » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 171a. http://ducange.enc.sorbonne.fr/REVELATIO2

2. REVELATIO, Meditatio, attentio, considerantia, circumspectio. Literæ Johannis Franc. Regis ann. 1354. apud D. Secousse tom. 4. Ordinat. Reg. pag. 314 :

Curis solicitamur assiduis et continua meditatione urgemur, ut condicionibus personarum, locorum et temporum, circonspecta Revelatione, pensatis, res nostro regimini subjacentes.... sub transquillitatis pulcritudine preservemus.

1. REVELATIO 3. REVELATIO © École des chartes.

« 3 revelatio » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 171a. http://ducange.enc.sorbonne.fr/REVELATIO3

3. REVELATIO, non semel perperam pro Relevatio, Nostris Relief. Vide supra Relevium in Relevare feudum.

2. REVELATIO 4. REVELATIO © École des chartes.

« 4 revelatio » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 171a. http://ducange.enc.sorbonne.fr/REVELATIO4

4. REVELATIO, Exemptio sacri corporis e tumulo et ejusdem elatio. Translatio corporis S. Geminiani Mutinensium Episcopi ann. 1106. apud Murator. tom. 6. col. 90 :

Adest etiam ad hoc spectaculum Princeps Matildis cum suo exercitu, omnes unanimiter præstolantes tanti Patris translationem et Revelationem cum gaudio.

Mallem legere Relevationem, si vox illa Revelatio simili notione non legeretur in Charta Hugonis Ducis Burgundiæ ann. 1171. inter Instrum. novæ Gall. Christ. tom. 4. col. 91 :

Verum remedio animæ meæ et antecessorum meorum tres dies in Revelatione B. Lazari, videlicet vigiliam festi et diem festi et crastinum, liberos et absolutos ab omni justitia mea, eo modo quo habent tres dies Canonici, in festo prædicti Martyris, et duos in octava in mense Septembri..... dono in perpetuum et concedo eidem Ecclesiæ S. Nazarii et Canonicis ibidem Deo servientibus.

Hic Revelatio, aut, si mavis, Relevatio, Translatio est corporis B. Lazari, quam Kalendis Septembris solemni ritu celebrant S. Nazarii Eduensis Canonici. Si retinendum est Revelatio, vox illa reddi posset Inventio : quod hic fere eodem redit. Revelatio vel inventio S. Michaelis, die 8. Maii in antiq. Calendar.