REVITA, Dies annuus, quo officium defunctorum pro aliquo defuncto peragitur, ipso die quo e vita decessit recurrente ; unde fortean vocis origo. Pactum inter prior. de Fontibus et consul. ejusd. villæ ann. 1310. in Reg. 46. Chartoph. reg. ch. 33 :

Item super eo quod pars dictorum prioris et conventus asserebat, quod dicti consules... impediebant... sacristam sui monasterii et indebite, quin cereos vel torticia et pallia, quæ portantur in vel pro exequiis, Revitis vel anniversariis mortuorum libere retinerent et usibus ecclesiæ applicarent ;.... fuit ita actum et conventum inter partes prædictas, quod cerei, torticia et pallia, quæ ad ecclesiam vel cymiterium in sepulturis, Revitis.... deferuntur, non retineantur... contra deferentium voluntatem,.... exceptis personis nobilium et hiis, quæ pro eorum exequiis vel Revitis deferuntur.