« »
 
[]« Rheuma » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 181c. http://ducange.enc.sorbonne.fr/RHEUMA
RHEUMA, Fluctus, ex Græco ῥεῦμα. Veteres Glossæ : Fluenta, ῥεύματα. S. Ambrosius lib. 5. Hexaem. cap. 10 :
Pisces ex plurimis locis, a diverso sinu maris, innumeri velut consilio convenientes, conjuncto agmine flatus aquilonis petunt, et ad illud septemtrionalium mare partium quadam naturæ lege contendunt. Dicas, si ascendentes videas, Rheuma quoddam esse : ita proruunt fluctusque intersecant, per Propontidem in Euxinum pontum violento impetu perfluentes.
Ugutioni et Joanni de Janua, dicitur tempestuosa maris inundatio, vel iste fervor aquæ, qui fit remorum agitatione. Quomodo vocem hanc usurpat Vegetius lib. 5. cap. 12. et 15. Jonas in Præfat. ad Vitam S. Columbani :
Quibus dicendum est nautas solere Rheumate gurgitum fractis viribus ripæ redditos, cum alia defuerint subsidia, festivo conamine sentes apprehendere.
S. Hilarius Arelat. in Vita S. Honorati pag. 15 :
Illud commemorasse sufficiat, intrepide ab illis pro Christi desiderio maris Rheuma toleratum.
Rheuma, Æstus maris reciprocus. [] Glossarium Saxonicum Ælfrici : Reuma, ebbe, vel gyle-stream, id est fluminis inundatio. Glossæ Isidori : Rheuma, effusio maris, quando accessione maris in fossis colligitur. Gloss. aliæ MSS. : Reuma, revolutio gurgitis. Beda in Vita S. Cuthberti Episc. num. 28 :
Accedente æstu Oceani, quem Rheuma vocant Græci.
Menstruum maris Rheuma, in libro Miraculorum S. Vulfranni num. 8. Florentius Wigorn. ann. 1075 :
Ibi tandiu expectavit, quoad maris æstus veniret.
Mox :
Inde rebus omnibus dispositis et ordinatis, Rheumate adveniente, festinanter anchoras sustulerunt.
Chronicon Regum Manniæ :
Rheuma maris Ramsa amnis alveum impleverat.
Acta S. Mildredæ Virginis, tom. 3. Julii pag. 517 :
Virgo interim sancta cum suis navem paratam intrans, maris contracti Reuma solummodo exspectabat.
Vide Vitam S. Kentigerni Episc. Glascuensis num. 11. Acta S. Susannæ, etc.
Rheuma, pro ipso mari. Victor Tunnensis :
Amantius Præpositus...... occiditur, et in Rheuma jactatur.
Et infra :
Hypatius..... nocte cum Pompeio occiditur, et in Rheuma jactatur.
Quo loco Chronicon Alexandrinum de eodem Hypatio scribens, habet :
ϰαὶ ἐῤῥίψησαν τὰ λείψανα αὐτῶν εἰς τὴν θάλασσαν.
Acta S. Caii PP. tom. 3. Aprilis pag. 16 :
Jussit incendio concremari Claudium, Præpedignam, Alexandrum et Cuthiam ac Maximum, et in Rheuma jactari :
hoc est, in Tiberim ; hic enim de Romæ gestis agitur.
Reumaricus, Plenus rheumate : ita Glossa ad hos versus ex Poeta MS. infimi ævi ex Bibl. Thuana cod. 525 :
Pusio, Reumaricus, pullus, lapatus, et hircus.
les Bénédictins de St. Maur, 1733–1736.
Reumaticus, Humidus. Translatio S. Apollinaris, tom. 5. Julii pag. 384 :
Quia locus valde Reumaticus fuit, in quo supra terram cista stabat, de quibus omnes doluerunt. Rheumaticus
Plinio, ut Græcis ῥευματιϰός, Qui fluxione laborat, vel obnoxius fluxioni. Hinc locus Reumaticus dicitur locus humidus, quod fluxionibus obnoxii sint, qui habitant in locis humidis.
Rheumatidiare. Papias : Arteriaci, quibus faces Reumatidiant. Ita codex edit. et MS. Ugutio et Johannes de Janua præferunt Reumatizant. Theodorus Priscianus lib. 1. cap. 12 :
Si oculi Rheumatidiaverint, his vini et carnium parcitas indicenda est.
Dioscoridi, ὀφθαλμοὶ ῥευματίζοντες vel ῥευματιζόμενοι.
Rheumatizare, Ῥευματίζειν, Rheumate, fluxione, vel rheumatismo laborare. Horatianus lib. 1. Rer. medic. cap. 10 :
Oculi Rheumatizantes.
Fulbertus Carnot. Epist. 67. 1. edit. :
An morbus Rheumatizantis et nauseantis stomachi, an passio cerebri mentem lædens ?
S. Hieronym. Epist. 89. cap. 5 :
Capitis naribus purgamenta projicere, sputis Rheumata jacere, etc.
les Bénédictins de St. Maur, 1733–1736.
Rheumatizatus, Affectus rheumate seu fluxione. Vita S. Procopii, tom. 2. Julii pag. 145 :
Quæ noctu longa suspiria, Reumatizatis oculis, inundantibus lacrymis, trahens, cœpit S. Patris suffragia toto anhelitu usquequaque implorare, etc.
© École des chartes.