RIANETA, Species ludi scruporum, latrunculorumve, de quo jam in Regineta dictum est. Statuta Vercell. lib. 4. fol. 84. recto :

Item, quod aliquis, cujuscumque conditionis existat, non audeat vel presumat ludere ad ludum..... rouce, nec ad Rianetam, nec ad aliquem ludum, ubi possit fraus sive deceptio committi.

Statuta Astensia cap. 1 :

Aliqua persona de Ast. in civitate Ast. vel burgis non possit vel debeat ludere ad aliquem ludum taxillorum vel borraniarum, vel Rianete, nisi ad taxillos vel Rianetas ipsius emptoris vel aliorum, qui dictos taxillos vel Rianetas vel tabullerios prestant voluntate et præcepto dicti emptoris et sociorum.