« »
 
[]« Rigus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 189b. http://ducange.enc.sorbonne.fr/RIGUS
RIGUS, Rigulus, Rivus, rivulus, nostris Rigole, Ital. Rigo. Lexicon Cambro-Britannicum : Rhigol, fossula, sulcus. Charta ann. 832. in Appendice Marcæ Hispan. col. 769 :
Inde vadit ipse terminus per Rigo Ferrario usque ad ipso Palaciolo, etc.
Adde Chronicon Farfense apud Murator. tom. 2. part. 2. col. 422. 449. 472. 473. 512. 533. etc. Passim occurrit in Tabulario Casauriensi. Hinc Rigora, enuntiatione Longobardica apud Leonem Ostiensem lib. 3. cap. 19. ut Rivora, apud Gromaticos, pro Rigus, et Rivus. Vide Rio.
Rigago, Ringago, Eadem notione. Tabularium Casauriense :
Et de ambobus lateribus fine Rigagines cum vineis et pomis, etc.
Alibi :
De alio latere fine Ripa Fossecana, quomodo descendit Alegojanum ad ipsam Rigaginem.
Rursum :
Et remisit intentionem, quam misit de Poio de Arnaro fine Rigo Bussi, et fine Rigagine de Augeano, et pergit in Rigo Bussi, et fine ipsa Rigagine, quæ pergit inter Arnacio et Pretetulo.
Alio loco :
Et de alio latere fine Rigagine, et quomodo ipsa Rigagine mergit in rivo Cupo.
Bulla Cælestini III. PP. apud Ughellum in Episcopis Theanensibus :
Et exinde pergit in Rigaginem, quæ ducit juxta Ecclesiam S. Mariæ, et ipsa Rigago mittit in flumine de Gavigliano, etc.
Chronicon S. Bartholomæi de Carpineto lib. 12. pag. 1242 :
Tertiam modiorum decem, quæ habet fines viam Salariam et Rigagines.
Chronicon Farfense apud Murator. tom. 2. part. 2. col. 449 :
A primo latere Ringagines Cancelli ; a secundo mons Otæ ; a tertio Rigagines venientes in Brusclitum et in Rigum de Ponticella.
Rursum occurrit vox Rigago ibidem col. 472. 473. 474. et 512.
les Bénédictins de St. Maur, 1733–1736.
Rigulago, Eodem significatu. Chronicon Farfense col. 530 :
Quarum fines sunt usque in rivum, qui currit in terra Zarfonis, et venit in Rigulaginem, in Turcellam et in vallem, etc.
les Bénédictins de St. Maur, 1733–1736.
Rigularis, Rursus eodem intellectu. Idem Chronicon Farfense col. 484 :
A capite via ; a pede medium flumen [] Asum cum cursu aquæ ; ab uno latere terra S. Angeli ; ab alio Rigularis currens.
Riago, Eadem pariter notione. Charta Caroli M. Imper. in Chronico S. Vincentii de Vulturno pag. 677 :
Ultra montes extrinsecus circumdantes in hortum usque Riaginis, quæ nominatur Ravennola, etc.
Pag. 689 :
Montes extrinsecus circumdantes in ortum usque Riaginis, quæ nominatur Ravennola, et a capite ejusdem Riaginis venientes juxta montes publicos in montem usque Benafrum, etc.
Rivum vel Riaginem in Chr. Farf. apud Murator. tom. 2. part. 2. col. 442.
Rigatus. Charta Urracæ Reginæ Hispaniæ ann. 1116. apud Sandovallium :
Et inde ad Petram fitam, et inde ad illum Rigatum, quod est inter Fenelope et Casal de Rex.
Ribulus, pro Rivulus, non semel occurrit ibid.
© École des chartes.