RISCUS 1, Glossarium mediae et infimae latinitatis, Du Cange et al.

« 1 riscus » (par les Bénédictins de St. Maur, 1733–1736), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 194c. http://ducange.enc.sorbonne.fr/RISCUS1

1. RISCUS, Risicus, Periculum, alea, discrimen, Gall. Risque, Ital. Rischio, Hispan. Riesgo, Græcis recentioribus, ρίζιϰον. Statuta Massil. lib. 3. cap. 5 :

Constituimus, quod si quis alicui aliquod mutuum fecerit vel faciet portandum in aliquod viagium, ad fortunam vel Risicum (Riscum in MS.) ipsius mutuantis, pro quo mutuo specialiter pignus a debitore sibi traditum est, etc.

Electio Potestatis urbis Hortanæ ann. 1359 :

Et débet venire dictus Potestas cum dictis suis officialibus, famulis et equis, duabus diebus ante faciem officii, ad omnem ipsius Potestatis Risicum et fortunam in veniendo, stando et redeundo.

Statuta Genuensia lib. 1. cap. 4 :

Hæc omnia Risico et periculo hæreditatis et hæredum.

Incertum est hujus vocis etymon. Vide, si vis, Menagium in Dictionario Etymolog. Gallic. Skinnerum in Anglicano v. Risgo et Cangium nostrum in Glossario mediæ Græcitatis v. Ῥίζιϰον.

les Bénédictins de St. Maur, 1733–1736.

Risigus, Eadem significatione. Statuta Massil. lib. 3. cap. 25 :

Quæ commanda vel societas tamen data, vel tradita fuerit, vel erit ad periculum ejus portanda vel ducenda vel mittenda, qui dedit vel tradidit seu dabit, vel ad ejus Risigum, de qua commanda vel societas facta erit carta publica, etc.

Vide Risicum.

RISCUM 2. RISCUS © École des chartes.

« 2 riscus » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 194c. http://ducange.enc.sorbonne.fr/RISCUS2

2. RISCUS, Latebra, locus secretus et occultus, Gall. Cache. Analecta de SS. Petro et Paulo tom. 5. Jun. pag. 447. col. 1 :

Cum armarium quoddam vetus ligneum, muro ab antiquo insertum, vi extraxissent, conspexerunt post illud in muro eodem foramen magnitudine volæ manus humanæ. Quod latebræ alicujus indicium esse rati, illico murum lateritium ulteriorem perfringentes, invenerunt Riscum sive cavernulam, etc.

1. RISCUS 3. RISCUS © École des chartes.

« 3 riscus » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 195a. http://ducange.enc.sorbonne.fr/RISCUS3

3. RISCUS, Ager incultus et pascuus, vulgo Riez. Charta Roger. castel. Insul. ann. 1225. ex Tabul. S. Petri Gand. :

Si vero aliquis hominum villarum prædictarum plantas posuerit in Risco, aut in via communi, aut in loco ubi plantas ponere non debeat, etc.

Charta ann. 1243. ex Tabul. S. Autberti Camerac. :

Cum nobis evidenter constaret præfatam ecclesiam sufficienter probasse quod homines sui villæ de sancto Auberto tanto tempore fuerant in maniamento sive usagio dicti Risci et pasturæ ejusdem, etc.

« 4 riscus » (par P. Carpentier, 1766), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 195a. http://ducange.enc.sorbonne.fr/RISCUS4

4. RISCUS, Fenestra parietis, vas ex juncis et viminibus. Glossar. vet. ex Cod. reg. 7613.