RIVERA, Riveria, Rivus, fluvius, Gallis Riviere. Matth. Paris ann. 1199 :

Quidquid continetur inter forestam Leonis et Sequanam ex una parte, et Riveras de Andely et Eethe ex altera.

Fridericus II. Imper. lib. 1. de Venat. cap. 7 :

Flumina magna et modica, quæ dicuntur Riveriæ.

Histor. Cortusiorum lib. 1. cap. 4 :

Attentavit transire Riveriam Montis-Salicis.

Occurrit in eadem Hist. non semel. Adde Chartam ann. 1181. apud Lobinellum tom. 2. Hist. Britan. col. 132. Rolandinum Patavinum lib. 6. de factis in Marchia Tarvisina cap. 6. apud Muratorium tom. 8. col. 259. Statuta Vercell. lib. 5. fol. cxxi. Charta ann. 1230. e Tabulario S. Mariani Autissiod. ann. 1230 :

Concesserunt..... ut prata..... sita super Riveriam de Belcha.... adaquare valeat de prædicta Riveria,

seu Rivulo, non est enim fiuvius, sed rivus minor.