ROBURGA, Certa distributio in ecclesia Rotomagensi, quæ fortean a fundatore nomen habet. Necrol. eccl. Rotomag. ex Cod. reg. 5196. fol. 45. v° :

Nativitas B. Johannis Baptistæ...... Habemus pro Roburga xl. lib. ix. sol. videlicet de Cantu avis xxx. lib. et ix. sol. et x. lib. de vicecomitatu Rothomagensi ; et hanc Roburgam percipere debent, qui residentiam suam faciunt per octo menses in anno, secundum formam et modum, qui requiruntur in debita Penthecostes, sine mortuis et communiis, qui de dicta Roburga nichil percipere debent.... Item eodem die sterlingi de Otri, quos cum Roburga et pari natura recipient residentes.

Vide supra Lampreda et in Revodum.