ROGATIO, Idem quod Roga 4. Census, exactio. Charta Fulconis Abbatis Corbeiensis ann. 1055. ex Tabulario ejusdem Monasterii :

Super hæc omnia neque pastum accipiet, neque Rogationem faciet in tota Abbatia.

Charta Caroli Comitis Flandr. ann. 1123 :

Nullam Rogationem in ea habere debet Balduinus vel sui de his, quæ pertinent ad Merlebeccam.

Innocentius III. PP. lib. 15. Ep. 135. ad Abbatem S. Vedasti Atrebat. :

Super quibusdam transactionibus talliarum, Rogationum, violentarum exactionum, etc.

Tabularium feodorum Ecclesiæ Lingon. ann. 1263 :

De universali Rogatione, quam facit Episcopus in primo suo adventu, nihil prorsus habebunt Archidiaconi.

Tabularium Molismense :

Consuetudinem etiam Rogandi annonam ad equorum præbendam, gallinas, et alia similia, quæ habere solebat in villanis.

Charta Communiæ Brituliensis in Picardia ann. 1224 :

Ab omni tallia, tolta, impruntamento, Rogationibus in perpetuum quittavimus penitus et immunes.