« »
 
[]« 1 romania » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 209b. http://ducange.enc.sorbonne.fr/ROMANIA1
1. ROMANIA, Romanum Imperium, apud Possidium in Vita S. Augustini cap. 30. et alios Scriptores, laudatos a Casaubono ad Lampridium, Justello in Notis ad Canones Ecclesiæ universæ, Seldeno ad Eutychii orig. Allatio lib. 1. de Eccl. consens. cap. 18. et aliis.
Romania, præterea dictum Imperium Orientale, seu Byzantinum. Jornandes in Geticis cap. 25 :
Wesegothi tandem communi placito Legatos ad Romaniam direxere ad Valentinianum Imperatorem.
Adde cap. 50. Epiphanium lib. 2. Panarii, et hæresi 67. etc. L'Empire de Romanie, non semel apud Vilharduinum. Bromptonus in Ricardo I :
Tota Romania terra firma est, et est de dominio Imperatoris Constantinopolitani...... Caput Rumaniæ est civitas Constantinopolis, et Rumania jungitur Sclavoniæ, Hungariæ, et Histriæ.
Romania appellata etiam ea Asiæ pars, quæ Græcis Byzantinis parebat, alterius partis respectu, quam invaserant Turci, quæ Turcia dicebatur, ut docuimus ad eumdem Willharduinum num. 46. Anastasii Bibl. Collectanea :
Ex naviculis, quæ veniunt ex partibus Romaniæ, ut hi, qui sunt hic, nuncupant, partes videlicet Græcorum Ponticas appellantes.
Ponti Provinciæ quippe in Asia sunt. Guill. Apuliensis lib. 2. de Gestis Normannorum :
Horum temporibus Turcos Orientis ab oris
Ingressos fugit gens territa Christicolarum
Qui tunc Romaniæ loca delitiosa colebant.
Tageno Pataviensis, et Chronicon Reicherspergense ann. 1190 :
Primas partes Romaniæ intraverant.
Apud Tudebodum lib. 7. pag. 781. Nicæa Bithyniæ urbs, Romaniæ caput appellatur :
Rumenia deserta,
pars Asiæ apud Arnoldum Lubecensem lib. 2. cap. 9. Vide Theophanem ann. 20. Heraclii, Isidorum Pacensem in Chron. pag. 14. etc.
Romania, quæ hodie Romandiola, in Chronico Farfensi pag. 657. et alibi apud Ottonem Morenam in Histor. Rerum Laudensium pag. 21. 62. 102. Vita MS. S. Romani Presbyteri :
Petiit ab Episcopo suo licentiam dari in Romaniam transmeare, ubi piis precibus ad limina SS. Petri et Pauli, et cæterorum Sanctorum orationibus vacaret.
Thietmar. lib. 7. cap. 3 :
Multæ sunt in Romania atque in Longobardia insidiæ.
Vide eundem lib. 4. cap. 20. et 26.
Terra Romania,
in chronic. Benedicti cap. 38. Thancmari Vita Bernwardi Ep. cap. 22 :
Coadunata est synodus 20. episcoporum de Romania, aliquanti etiam affuere de Italia et Tuscia.
Romaniæ denique nomine interdum appellantur eæ Galliæ partes, quæ Romanis parebant, aut paruerant, respectu Britanniæ Armoricæ, in Vita S. Samsonis Episcopi Dolensis in Præfat. lib. 1. num. 2. et lib. eod. cap. 60. et 61.
P. Carpentier, 1766.
◊ Charta Joan. ducis Lothar. et Rob. ducis Barrens. ann. 1366. in Memor. D. Cam. Comput. Paris. fol. 89. v° :
Item par les dittes alliances avons promis et promettons chascun en droit soy, que se aucun ou aucuns de noz hommes ou subgez en Romanz pays, avoient meffait ou temps passé ou meffaisoient doresenavant,..... nous seriens tenuz chascun en droit soy de contraindre les preneurs noz hommes ou subgez en pays Romanz, à rendre ou recroire tout ce que pris auroient,... sans les oir en aucune raison dire ou proposer jusques à ce que rendue ou recreance en feust faite.
An partes imperii, quæ Romanorum[] regi parebant hic significantur ? an Helveticorum regio, quæ etiamnum appellatur Romand vel Le pays Romain ?
© École des chartes.