« »
 
[]« Romeus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 211c. http://ducange.enc.sorbonne.fr/ROMEUS
ROMEUS, Qui alias Romipeta, Qui ad S. Petrum piæ peregrinationis gratia pergit. Ita passim usurpat Odo Cluniacensis in Vita S. Geraldi Comitis lib. 1. cap. 27. 29. lib. 2. cap. 17. 23. lib. 4. cap. 22.
Romei
Italis, Roumius, Occitanis, dicuntur. Romius, in Foris Beneharnensibus tit. de pœnis art. 44. Romoneou, Arvernis, ut auctor est Sirmondus ipse Arvernus ad Sidonium lib. 1. Epist. 5.
Romieux
, Provincialibus et Roumioux : quod de quibuslibet peregrinis intelligunt. Hinc auctor est Cæsar Nostradamus in Hist. Provinciæ pag. 166. nomen datum nobili familiæ Arelatensi, quæ pro insignibus Peram descriptam gestat, peregrinationis notissimum symbolum ; ut et Romeorum familiæ Hispanicæ. Vide Guillelmum de Podio-Laurentii cap. 47. et in voce Romipeta. Nec tantum qui Romam peregrinationes instituunt, sed quivis peregrini ita appellati. Joann. Willaneus lib. 6. cap. 92 :
Arrivo in sua corte un Romeo, che tornava da santo Jacopo. Romerio,
eadem notione, in Legibus Alfonsi IX. Regis Castellæ 1. part. tit. 24. lege 1.
Romeria
, Peregrinatio, tit. 4. leg. 22. et Scriptoribus Hispanis passim, necnon Poetis Provincialibus non semel. Anselmi Faidit Cantilena apud Crescimbeni ad calcem Vitarum Poetarum Provinciæ pag. 230 :
En leial Romeria.
Ital. In leal Pellegrinaggio. Nostris En loyal Pelerinage. Adde eumdem Crescimbeni ibidem pag. 77.
P. Carpentier, 1766.
◊ Acta MSS. notar. Senens. ad ann. 1286. ex Cod. reg. 4725. fol. 82. r° :
Item centum solidos Romeis, qui vadunt ad sanctum Jacobum, quod unusquisque habeat v. sol.
Ita et nostris Remyvage, pro qualibet peregrinatione. Lit. remiss. ann. 1467. in Reg. 200. Chartoph. reg. ch. 28 :
Le suppliant afin de trouver provision à la maladie de son filz s'en ala en voyage à S. André du Glaye ;...... auquel le malade dist : Mon pere, vous alez en Remyvage bien loing aux corps sains, etc.
les Bénédictins de St. Maur, 1733–1736.
Romeus Caminus, Iter quo Romei petunt Romam, in Pacto inter Jacobum Aragoniæ Regem et Berengarium Magalonæ Episcopum ann. 1272 :
Et de ipso flumine usque ad stratam publicam seu [] caminum Romeum. Romeorum via,
in Chartulario Ecclesiæ Aptensis fol. 28.
Romea strata
, in Statutis Placentiæ lib. 4. fol. 38. etc. Vide Romæus.
© École des chartes.