5. ROSARIUM vel Rosarius, Multi eo titulo donantur libri, inter quos celebris est Arnaldi de Villanova tractatus, qui sic inscribitur in Cod. reg. 7149 :

Liber quondam abreviatus, verissimus thesaurus thesaurûm, Rosarius philosophorum, et omnium secretorum maximum secretum, de verissima compositione naturali philosophiæ, qua diminutum reducitur ad perfectum, solicum vel lunicum.

Deinde sic incipit :

Iste liber nominatur Compositor, alias Rosarius, eo quod ex libris philosophorum breviter abreviatus est, etc.

Et ad calcem :

Explicit Rosarium Arnauldi de Villanova.