3. RUBUS, Idem, nisi me fallo, quod Rubetum, Locus rubis consitus, dumosus. Charta Bolconis Ducis Silesiæ ann. 1337. apud Ludewig. tom. 6. Reliq. MSS. pag. 42 :

Donamus etiam præfatæ Civitati (Friburg.) liberum officium, quod Bierschrott Amacht dicitur, et unum Rubum liberum in omnibus metis, gadibus et greniciis, sicut jacet et jacuit ab antiquo, ad usus proprios, sicut placet, convertendo, eorumque pecora in dictum Rubum pellendo, sine impedimento.

Codex Lauresham. Tradit. 245. tom. 1. pag. 333 :

Unum bivangum vel mastunga, cum terra ex integro, qui circumcingitur ab oriente fluvio Suarzaha.... ab aquilone in 4. Rubis, qui sunt contra ipsum monasterium, ab occasu, etc.

Alter locus est Trad. 10. tom. 1. pag. 24. supra laudatus voce Ruberus, uti legitur, in Chron. Lauresh. Vide Forcellin. in Rubus.