RUNCO, Glossarium mediae et infimae latinitatis, Du Cange et al.

« Runco » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 240c. http://ducange.enc.sorbonne.fr/RUNCO

RUNCO, Ronco, Papiæ, et Joanni de Janua, Falcis militaris species, ex Italico Runchione, vel Roncone. Academici Cruscani :

Roncone, arme d'asta corta e adunca per isterpare.

Lego in Edit. ann. 1691 :

Ronca, Arme in asta adunca, e tagliente, Lat. Sparus, Runcina.

Et mox :

Roncone, strumento rusticale di ferro, maggior della ronca, et senz'asta.

Vide Murator. Antiq. Ital. tom. 2. col. 1282. Sanutus lib. 2. part. 4. cap. 8 :

Dictum navigium Ronconibus et longis lanceis, atque lanceis cum rampiconibus, sive uncis in capitibus, optime fulciatur.

Ubi lancea cum ronconibus, videntur eæ, quas lanceas falcatas vocat Fulbertus Carnot. Epist. 45. Historia Cortusiorum lib. 1. cap. 17 :

Quidam rusticus..... clam traxit de sub chlamyde sua Ronconem ferreum, et virum nobilem percussit in capite.

Rolandinus Patavinus de factis in Marchia Tarvisina lib. 10. cap. 5. apud Murator. tom. 8. col. 314 :

Jussit dictos balisterios et Waldanam procedere cum vastatoribus ferentibus Roncones acutissimos et secures, fossoria et ligones, arbores incidere et rubeta, vineas et segetes omnes.

Adde Chronicon Estense ad ann. 1350. apud eumd. Murator. tom. 15. col. 457. Chronicon Petri Azarii ad ann. 1356. tom. 16. ejusd. Muratorii, etc. Vide Falcastrum, Ronchonus, Runcora in Runcalis et Villani initio.

L. Favre, 1883–1887.

Crucem in loco solito precesserunt cum Runconibus et ensibus sive lanceis.

(Diar. Burchard. ed. Thuasne, II, 58, an. 1493.)

P. Carpentier, 1766.

◊ Nostris Roncie. Tract. MS. de Re milit. et mach. bellic. cap. 111 :

Arbor in curru perticam habens, cum duobus carratellis ardentibus, potest per se idem circiter girari contra navigia tuorum hostium, Runcone sive falce incidere funes carratellorum.

Pactum inter commissar. reg. et Ayton. Doria Genuens. ann. 1337. in Reg. Cam. Comput. Paris. sign. Croix fol. 187. r° :

Lances longues ferrées, Roncies de fer et touz autres garnemens et armeures.

Hinc diminutivum

P. Carpentier, 1766.

Runcula, in eodem Tract. cap. 171 :

Navigium cum stella habente saxa ligata, incidantur Runcula sive falce, ut ruant super hostium navigia, causa frangendi ea.

les Bénédictins de St. Maur, 1733–1736.

Ronconus, Eadem notione. Statuta Castri Redaldi fol. 39. verso :

Declaramus quod arma vetita sint infra scripta, videlicet lancea, spata, cultellus, sive daga et cultellessia, stochus, spontonus, mazza ferrata, azza, Ronconus, etc.