« »
 
[]« Sabelum » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 248c. http://ducange.enc.sorbonne.fr/SABELUM
SABELUM, Martes, Gallis Marte, mustelæ species, nobili pelle insignis : Anglis, et nostris olim, Sable, tametsi martes a sabelo distinguant ferme Scriptores omnes. Alanus Insulanus in Planctu naturæ :
Illic martes et Sabelo semiplenam palliorum pulchritudinem, eorum postulantem subsidia, suarum nobilitate pellium, ad plenum deducebant.
Gervasius Dorobernensis :
Statutum est, quod nullus... utatur vario vel grisio, vel Sabelo, vel scarlato, etc.
MS. :
Porpres et ciglatons del regne d'Aumarie,
Vairs, et gris, et ermines, et Sables de Rosie.
Philippus Mouskes in Hist. Franc. MS. :
Sables, ermins, et vair et gris.
De vocis etymo, vide Dissertat. 1. ad Joinvillam pag. 137. et Henschenium ad Vitam S. Guthlaci num. 17.
Sabelinæ Pelles :
Sabelines,
in nova [] Consuet. Normanniæ art. 603.
Sebelines
, in veteri cap. 17. Rogerus Hovedenus pag. 758 :
Petiit ab Episcopo Lincolniensi singulis annis unum mantellum furratum de Sabelinis.
Idem, et Bromptonus ann. 1188 :
Statutum fuit in Anglorum gente, ne quis escarleto, Sabelino, vario, vel griseo... uteretur.
Occurrit in Concilio Londinensi ann. 1138. cap. 15. in Hist. Ricardi Hagustaldensis pag. 328. apud Will. Neubrigensem lib. 3. cap. 22. etc.
les Bénédictins de St. Maur, 1733–1736.
Sebelinum Indumentum, in Statutis antiquis apud Marten. tom. 4. Anecdot. col. 1189 :
Sancimus ne clerici vel laici, viri et mulieres infra quinquennium aliquo indumento Sebelino utantur. Pelles Sebelinæ,
in Leg. Norman. apud Ludewig. tom. 7. Reliq. MSS. pag. 187.
Gebellinica Pellis, apud Petrum Damian. lib. 2. Epist. 1 :
Non ergo constat Episcopatus in turritis Gebellinorum, transmarinarumve ferarum pileis, non in flammantibus martorum submentalibus rosis, etc.
Lib. 2. Epist. 2 :
Et cum domestici murices nostris aspectibus sordeant, transmarinorum pelles, qui magno pretio coemuntur, oblectant. Ovium itaque simul et agnorum despiciuntur exuviæ, Ermelini, Gebelini Martores exquiruntur et vulpes.
Idem lib. 5. Epist. 16 :
Hic itaque nitidulus, et semper ornatus... incedebat, ita ut caput ejus numquam nisi Gibellinica pellis obtegeret.
Almuciam intelligit, nam de Clerico loquitur.
P. Carpentier, 1766.
◊ Glossar. Lat. Gall. ex Cod. reg. 7679 : Sabellinus, Sabellin, a Sebera regione.
Zebellina Pellis. Paulus Venetus lib. 3. cap. 47 :
Inter parva vero animalia est quædam species apud illos (Tartaros), quæ delicatissimas suppeditat pelles, quas vulgo Zebellinas vocant.
Zobellina Pellicula, apud Arnoldum Lubec. lib. 2. cap. 5.
Sobolus. Michalo Lithuanus de Moribus Moscovit. Fragm. 2 :
Etsi Mosci soli Sobolis aliarumque ferarum genere abundent, tamen vulgo Sobolos pretiosos non ferunt : sed missos in Lituaniam, molles mollibus, aurum pro eis auferunt, etc.
Legendum forte Sobelis. MS. :
Vestent bliaus, et peliçons hermins,
Et afublerent les mantiax Sebelins.
Octavianus de saint Gelais, in Viridario honoris :
Vestus d'habits moult somptueusement,
Tres bien fourrez de martres Subelines.
© École des chartes.