SACCATUM. Isidorus lib. 20. cap. 3. sect. 11 :

Saccatum, liquor est aquæ fæci vini admixtus, sacco expressus.

Saccatum vinum, per saccum expressum, in Gloss. MSS. Sangerm. num. 501. Catholicon parvum :

Saccatum, bufet, c'est beuvraige de lie de vin et d'eau coulée parmy un sac.

Scribonius Largus cap. 122 :

Postea vini Falerni non Saccati cyathus adjicitur.

Agobardus Lugdun. de Privileg. et jure Sacerdotii cap. 11. de Sacerdotibus domesticis :

Ita ut plerique inveniantur, qui aut ad mensas ministrent, aut Saccata vina misceant, aut canes ducant, aut caballos, quibus fœminæ sedent.

Vide infra Vinum saquatum.