SACCI, Saccini, Saccitæ, Saccati, ita appellati Monachi quidam, quod Saccis pro veste uterentur, qui

de Pœnitentia Jesu Christi, vel de Saccis

, dicuntur in Bulla Joannis ann. 1319. apud Cognatum lib. 4. Hist. Tornac. cap. 22. Freres aus sacs, in Chronic. Franciæ vernaculo MS. ad ann. 1273. Provincialibus, Fraires Ensaques. Fratrum Saccorum Parisiensium mentio est in Testamentis S. Ludovici Regis Fr. ann. 1269. et Philippi Regis ann. 1284. et in Charta ejusdem Philippi apud Doubletum in Hist. Sandionysiana lib. 3. cap. 18.

Senonensium

, in Charta ann. 1266. in Regesto 30. Tabularii Regii ch. 367.

Virdunensium

, in Bulla Bonifacii VIII. PP. ann. 1301. apud Waddingum ;

Andegavensium

, in Gestis Guillelmi Majoris Episc. Andegav. cap. 3. apud Acher. tom. 10. Spicil. pag. 250. ubi leg.

Saccini

 :

Massiliensium

, apud Guesnaium in Annalibus Massil. pag. 195. 590. et Ruffium Hist. Massil. 2. edit. tom. 2. pag. 108. et 373.

Aquensium

, apud Pitton. Annal. Eccl. Aquens. pag. 163.

Rotomagensium

, in Charta Philippi Pulchri Reg. Franc. ann. 1309. qua eorum Monasterium Eremitis Augustinianis concessit, in 2. Regesto ejusdem Reg. ch. 38. ex Tabulario regio :

Tornacensium

, apud Cognatum loco laudato.

Bruxellensium

, in Bulla Pii II. PP. ann. 1458. apud Miræum tom. 1. pag. 231. In Angliam hunc Saccorum Ordinem transiisse sub ann. 1257. scribit Matthæus Paris :

Eodem tempore novus ordo apparuit Londini : de quibus fratribus ignotis et non prævisis, qui quia saccis incedebant induti, Fratres Saccati vocabantur.

Notit. ann. 8. Edw. II. (1315.) Civit. Cantuar. rot. 114 :

Domus,.... quæ quondam fuerunt fratrum de penitencia, quia dicebantur fratres de Saccis.

Horum tandem Ordo in Concilio Lugdunensi ann. 1275. proscriptus. Tho. Walsinghamus :

Aliquos status de Ordinibus mendicantium approbavit,.... aliquos reprobavit, ut Saccinos, qui intitulantur de Pœnitentia, sive de Valle viridi. Saccitas

hoc loco vocat Chronicon sancti Martialis ann. 1274. ut et Chronicon Colmariense 1. part. ann. 1279.

Saccatos

idem Chronicon Colmar. ann. 1274.

Sororum

denique

de Sacco

meminit Raymundus de Capua in Vita S. Agnetis de Montepolitiano num. 7. aitque, ita appellatas

propter Scapulare, quod ex humilitate de sachino panno ferebant

, seu saccino, id est, ex quo sacci confici solent. Sacs, et Sachez, nostris dictos ejusmodi Monachos docet Guillelmus de Villanova :

Du pain aux Sacs, pain aus Barrez,

Aus pauvres prisons enserrez,

A cels du Val des Escoliers,

Les Filles Dieu sevent bien dire,

Du pain por Dieu nostre Sire.

Guill. Guiart in S. Ludovico :

Et mist les Sachez en leur ordre,

Dont puis perdirent les dessaisines,

Aveugles, Fllies Dieu, Beguines.