2. SAÇIUM, Saçum, et Sazum, Instrumentum, quo quantitas vini, vel rei cujuspiam deprehendebatur. Stat. Bonon. ann. 1250-67, tom. I, pag. 211 :

Quod vendatur vinum cum Saço bullato et quartarola, et quarta quartarole et media quartarola ;

et paulo post :

et talis sit mensura quod ille qui vendit vinum habeat quartarolam et quartam quartarole et mediam quartarolam, et ad dictas mensuras bullatas vendat volenti emere in tanta quantitate, et nichilominus habeat Saçum pro una denarata

(denariata Codd. '60, '62), et qui cum eo Saço non vendiderit puniatur in x libris bononinorum..... et teneantur vendentes vinum ad minutum tenere et habere Saçum infixum in vegete cum catenella ita quod non possit extendi ad aliam vegetem. Fr.