Non injuria igitur progenitores S. Majestatis V. libertatem licentiamque hanc hæreditatum (tenendi et tuendi arces) non permittebant mulieribus, sed eas nuptui tradebant, suo, non illarum arbitrio, non opibus nec genere, sed virtute nobilioribus viris, qui se nobilitabant profundendo in bello et suo et hostium sanguine. Itaque agasonibus etiam, qui se bene in re bellica gesserunt, dabantur hic heroidæ uxores vocati quidam Sakones et Sungælones.