« »
 
[]« Salamannus » (par C. du Cange, 1678), dans du Cange, et al., Glossarium mediae et infimae latinitatis, éd. augm., Niort : L. Favre, 1883‑1887, t. 7, col. 278c. http://ducange.enc.sorbonne.fr/SALAMANNUS
SALAMANNUS, Delegator. Charta Conradi Episcopi Pataviensis ann. 1159. in Metropoli Salisburgensi tom. 3. pag. 11 :
Hæc itaque per manus Salamanni sui Goteboldi de Ostechoen nobis præsentibus super confessionem prædictorum confessorum ipsa die Dedicationis prædicti altaris delegavit, etc.
Alia ann. 1274. tom. 2. pag. 340 :
Notum facimus quod fidelis noster...... per juramentum suum coram nobis secundum dictatam sententiam, quod villæ suæ in Durchaim auctorem delegatorem, quod vulgo dicitur Salman, non habeat, in nos jus delegatoris talis allodii, seu proprietatis prædictæ, sine [] contradictione omnium transfudit voluntarie, libere, et quiete, etc.
les Bénédictins de St. Maur, 1733–1736.
◊ A voce Sala, Curia, aula, palatium, auditorium, et Man, homo, Salamanni dicti testes, scabini, assessores, advocati, procuratores, curiales, testamentorum executores. A Saljan, Tradere. Vide Grimm. Antiq. Jur. Germ. pag. 555. et Graffii Thesaur. Ling. Franc. tom. 6. col. 176. voce Sala, Traditio. Documenta Frisingens. apud Schilter. in Gloss. Teuton. v. Sala :
Chunrad de Wazerburch fuit executor, quod vulgariter Salman dicitur.
Pag. 19 :
Dederunt prædictas possessiones cum manibus Salamannorum Welchuini de Riding, qui fuit Salman memoratæ Alhaidis et Dietericus de Wizhaim, qui fuit Salamannus Utonis.
Ibid. tom. 1. pag. 13 :
Per manum legatoris, qui vulgo dicitur Salman, Hermannum de Pfetten.
Testam. Ludolfi Canonici Hildesheim. apud Schannat. Vindem. Litter. pag. 189 :
Ecclesia S. Petri habeat libros meos,.... de reliqua suppellectili mea ordinabunt Salamanni, sicut fidei eorum commisi.
Hinc
les Bénédictins de St. Maur, 1733–1736.
Fides Salamannica, vel Salemannica, dicitur ea quam præstant Salamanni, hoc est, Curiales seu vassalli ministeriales juris curialis, in Jure feudali Saxon. cap. 22. § 2. et Aleman. cap. 113. Eodem nomine nuncupatur fides quam pro feudo advocatiæ Monasterii Lucellensis præstitit ann. 1326. Albertus Dux Austriæ, apud Schilter. loco supra laudato :
Nos frater Haymo Abbas et Conventus Monasterii Lucellensis....... notum esse cupimus, quod illustri Principi nostro domino Alberto Duci Austriæ, etc. quæ sui prædecessores Landgravi Alsatiæ a Monasterio nostro hucusque tenuerunt, unanimi consensu innovavimus et denuo concessimus ; ea interveniente conditione, quatenus nos et monasterium nostrum in nostris juribus et libertatibus,..... nomine Advocati, ubique et quoties opus erit, fideliter defendat, et præterea nihil aliud a nobis exigat.... Quod ego Albertus Dux Austriæ me fideliter præstiturum Fide Salemannica promitto, etc.
© École des chartes.