SALATIA, pro Salacia, voce nota Varroni et Festo, pro aquæ Dea, ipsa aqua, vel mari. Glossar. Lat. Gr. : Salmacidus, ἁλμυρός. Salmaticum, ἁλμυρόν. Supra :

Salacia, Ἀμφιτρίτη, Νηρεΐς. Salmaciaaqua, ἁλμυρὸν ὕδωρ.

Ubi in omnibus, m, literam expungendam puto, ut voces hæ effictæ fuerint a Salacia. Scio Salmasium, m, in in conficere, ut sit Salinacidus, Salinacia, etc. sed videat lector, utra arrideat conjectura. Adamnanus l. 2. de Vita S. Columbæ cap. 25 :

Lugaidus mane postera die ad retrahendum de mari utrem pergit, quem tamen Salatia noctu subtraxit unda,

ubi f. Salaciæ. Mox :

Uter quem Salatia sustulit, ad suum locum post tuum egressum reportabit venalia.